ბათუმში დიჯიტალ ტვ-ის ოფისი გაიხსნა
დიჯიტალ ტვ-ის მომსახურების მიღება, ადგილზე, აბონენტებს ახლა უკვე აჭარის რეგიონშიც შეუძლიათ. ციფრული მაუწყებლობის ოპერატორმა ბათუმში ოფისი გახსნა.
დიჯიტალ ტვ აგრძელებს სპეციალურ აქციას, აჭარისთვის. აქციის ფარგლებში, კომპანია პირველი თვის სააბონენტოს საჩუქრად ჩაურიცხავს ყველას, რეგიონში, ვინც ქსელში ჩართვას გადაწყვეტს.
დიჯიტალ ტვ-ის შეთავაზებებსა და სამომავლო გეგმებზე კომპანიის დირექტორი გიორგი ხითარიშვილი გვესაუბრა.
- რატომ გახდა საჭირო აჭარის რეგიონში ოფისის გახსნა?
აჭარის რეგიონში, ბოლო პერიოდში, აბონენტების რაოდენობა საგრძნობლად გაიზარდა. შესაბამისად, მომსახურების ადგილზე მიღების აუცილებლობა დადგა. კომპანიის მომხმარებლებს ბათუმში შეეძლებათ, მიმღები მოწყობილობის, აქსესუარების შეძენა, სააბონენტო გადასახადის დაფარვა, ნებისმიერ კითხვაზე პასუხის მიღება. სერვისცენტრში შესაძლებელი იქნება მაუწყებლობის ხარისხის ნახვაც. ასევე, ბათუმის ოფისში მოსულ აბონენტებს, აგვისტოს ბოლომდე, სხვადასხვა აქციას 
შევთავაზებთ.
- რას სთავაზობს აბონენტებს დიჯიტალ ტვ?
კომპანია საკუთარ აბონენტებს აწვდის რეიტინგული არხების პაკეტებს ყველაზე ხელმისაწვდომ ფასად. ჩვენს სტანდარტულ პაკეტში ნებისმიერი გემოვნებისა თუ ინტერესების მქონე ადამიანისთვის არის საინტერესო არხები. მაგალითად, სპორტის მოყვარულები ჩვენთან ყველა პოპულარული სპორტული ტურნირის პირდაპირ რეპორტაჟებს უყურებენ. არ გამოტოვებენ არცერთ მნიშვნელოვან მატჩს, იმიტომ, რომ გვაქვს მოთხოვნადი სპორტული არხების სრული შეთავაზება. ვისაც შემეცნებითი არხები მოსწონს, ჩვენს პაკეტში მრავალფეროვან არჩევანს ნახავს. ასევე, გვაქვს რეიტინგული კინოარხები, ბავშვების განვითარებაზე მორგებული პროგრამებით – საბავშვო არხები, მუსიკალური, გასართობი არხები. ჩვენი აბონენტები ტელევიზორთან არ იწყენენ.
- სამომავლოდ რა გეგმები გაქვთ?
ჩვენი მთავარი პრიორიტეტი არის, მომხმარებელს მივაწოდოთ მაუწყებლობა მაღალი ხარისხით, ხარვეზების გარეშე. 24-საათიან რეჟიმში ვმუშაობთ ამისთვის. გარდა ამისა, მიზნად გვაქვს დასახული, სამაუწყებლო ქსელის კიდევ უფრო გაფართოება. ჩვენი ტექნიკური ჯგუფი ამაზე მუდმივად მუშაობს და შედეგად, ეტაპობრივად იფარება მთელი საქართველო.
სიგნალი უკვე მიეწოდება ოკუპირებულ ტერიტორიებზე მცხოვრებ ჩვენს მოქალაქეებს, ასევე, მაღალმთიანი აჭარის, რაჭის მოსახლეობას. ჩვენი ქსელით უკვე საქართველოს მოსახლეობის 96%-ზე მეტი იფარება.
დიჯიტალ ტვ განვითარებას განაგრძობს. დაფუძნებიდან მესამე წელს, კომპანია, აბონენტების რაიოდენობის მიხედვით, პირველ სამეულშია.
დიჯიტალ ტვ-ის არხების ჩამონათვალში ცვლილება იგეგმება
დიჯიტალ ტვ არხების ჩამონათვალში ცვლილებას გეგმავს. კერძოდ კი, ცვლილება კინოს კატეგორიაში ორი არხის ჩანაცვლებას გულისხმობს. სტანდარტულ პაკეტში, არხს Kinosemia შეცვლის რეიტინგული არხი TV 1000. არხი Kinopremiera კი შეიცვლება კინოარხით VIP HD.
8-ლარიან პაკეტში ცვლილება მხოლოდ ერთ არხს Kinopremiera-ს შეეხება და ჩანაცვლდება VIP HD-ით.
დიჯიტალ ტვ-ის შეთავაზება ახალი აბონენტებისთვის
ტელევიზია ხმისა და გამოსახულების მაღალი ხარისხით, ინსტალაციის ყველაზე მარტივი შესაძლებლობით, პოტენციურ და არსებულ აბონენტებს მუდმივად სთავაზობს სიახლეებსა და აქციებს.
ამჯერად დიჯიტალ ტვ-იმ პოტენციური აბონენტებისთვის შეღავათიანი პაკეტი შექმნა. მაღალრეიტინგული უცხოური არხების მიღება ახლა უკვე, თვეში, სულ რაღაც 8 ლარად არის შესაძლებელი.
აქციით, კომპანიამ მიზნად დაისახა, გაეზარდა რეიტინგული არხების ხელმისაწვდომობა იმ აბონენტებისთვის, რომლებმაც უცხოურ არხებზე უარი მაღალი ტარიფის გამო თქვეს. დიჯიტალ ტვ-ის დაბალფასიან პაკეტში ჟანრობრივად მრავალფეროვანი უცხოური არხებია.
გარდა იმისა, რომ დიჯიტალ ტვ-მ რჩეული უცხოური არხები შეღავათიან ფასად წარადგინა, კომპანია ახალ აბონენტებს ქსელში ჩართვას უფასოდ სთავაზობს. ქსელში ჩასართავად საჭიროა, მხოლოდ ერთი თვის მომსახურების გადასახადი 15 ლარი, რომელიც აბონენტის ანგარიშზე ჩაირიცხება და სტანდარტულ პაკეტს გაააქტიურებს.
მეტი კომფორტისთვის, კომპანია აბონენტობის მსურველებს სახლში მიტანის უფასო სერვისსაც სთავაზობს. უფასოა მონტაჟიც.
დიჯიტალ ტვ ჯერ სულ რამდენიმე თვეა, რაც ციფრული მაუწყებლობის ბაზარზეა. კომპანიის გუნდმა უკვე შეძლო რამდენიმე ათასი აბონენტის ნდობის მოპოვება და აგრძელებს მათთვის ხარისხიანი მაუწყებლობის უზრუნველყოფას.
დიჯიტალ ტვ-მ აბონენტებს პირველი აქცია შესთავაზა
ახალი საკაბელო ოპერატორი დიჯიტალ ტვ სარეალიზაციო ქსელს ეტაპობრივად აფართოებს. გაყიდვები 15 მაისს დაიწყო და მომხმარებლების ინტერესიც, თბილისსა და რეგიონებში, დღითიდღე იზრდება.
დიჯიტალ ტვ-მ უკვე შესთავაზა აბონენტებს პირველი აქცია. როგორც კომპანიაში აცხადებენ, აქციის მიზანი მიმღები მოწყობილობის შესაძენად, მომხმარებლისთვის უფრო კომფორტული, ალტერნატიული გზის შეთავაზებაა.
„30 ივნისის ჩათვლით, აქციაში ჩართვა 10 ლარი ღირს. დიჯიტალ ტვ-ის მიმღები მოწყობილობა მომხმარებელს დროებით სარგებლობაში გადაეცემა. აქციის ერთადერთი პირობაა ის, რომ ქსელში ჩართვის მომენტში, აბონენტი პირველი თვის მომსახურებას ააქტიურებს“, – განაცხადეს კომპანიაში.
მიმღების მუდმივ საკუთრებაში ქონის შემთხვევაში, აბონენტს, სააბონენტოს გადაუხდელობის შემთხვევაშიც კი, ქართული არხების მიღების შესაძლებლობა რჩება.
დიჯიტალ ტვ-ის მიმღების შეძენა თბილისსა და იმერეთშია შესაძლებელი. თბილისში, კომპანია მომხმარებელს მიტანის უფასო სერვისს სთავაზობს.
კომპანია რამდენიმე დღის წინ, საზოგადოების წინაშე, უკვე წარსდგა პროდუქტის პრეზენტაციით, რომელსაც დიჯიტალ ტვ-ის პარტნიორებთან ერთად, ბიზნესომბუდსმენის აპარატის წარმომადგენელი და კომუნიკაციების მარეგულირებელი კომისიის წევრები ესწრებოდნენ.
დიჯიტალ ტვ ციფრული მაუწყებლობის ბაზარზე წარდგა
ციფრული მაუწყებლობის ბაზარზე ახალი საკაბელო ოპერატორი დიჯიტალ ტვ გამოჩნდა. ინოვაციური უპირატესობების მქონე მაუწყებლობის ჩასართავად სტერეო პლუსის რადიოსიხშირული სპექტრით სარგებლობის ლიცენზია გამოიყენება.
სტერეო პლუსის ბაზაზე მუშაობა პროფესიონალურ მომსახურებას თავისთავად გულისხმობს, რადგან ამ მიმართულებით, კომპანიას დიდი გამოცდილება აქვს: კერძო მაუწყებლების გასავრცელებლად ციფრული მიწისზედა სატელევიზიო ქსელი, საქართველოს მთელ ტერიტორიაზე, 2015 წელს, სწორედ სტერეო პლუსმა ააგო.
დიჯიტალ ტვ სიგნალის გავრცელების უახლეს სტანდარტებს იყენებს. მონაცემების შემჭიდროების HEVC/H.265 სტანდარტი ოპერატორს შესაძლებლობას აძლევს, ხარისხის შეუცვლელად, უფრო დიდი მოცულობის მონაცემი გაავრცელოს.
ინტერნეტისა და სატელიტური თეფშის გარეშე, მაღალრეიტინგული უცხოური და ქართული არხების მიღება უკვე შეუძლიათ საქართველოს დიდ ქალაქებსა და მის მიმდებარე ტერიტორიებზე მცხოვრებ აბონენტებს.
უცხოური და ქართული ტელეარხების მისაღებად, აბონენტებს მხოლოდ დეციმეტრული ანტენა და დიჯიტალ ტვ-ის მიმღები მოწყობილობა სჭირდებათ. დიჯიტალ ტვ-ის სიგნალს ნებისმიერი ფორმატის ტელევიზორი იღებს.
კომპანიის მიერ აბონენტებისთვის შეთავაზებულ პირველ პაკეტში გაერთიანებულია ჟანრობრივად მრავალფეროვანი არხები ისე, რომ ყველა ასაკისა და გემოვნების მაყურებლის ინტერესებზე იყოს მორგებული.
დიჯიტალ ტვ გამოირჩევა ინსტალაციის სიმარტივითაც: აბონენტს თავად შეუძლია, ჩაერთოს ქსელში, მიმღების დეციმეტრულ ანტენასა და ტელევიზორთან მიერთებით.
მიმღები მოწყობილობის შეძენა მთელი საქართველოს მასშტაბით იქნება შესაძლებელი.
ციფრული მაუწყებლობის ოპერატორმა “დიჯიტალ ტვ” ბრენდინგი განახორციელა
ციფრული მაუწყებლობის ოპერატორი დიჯიტალ ტვ, კომპანია სტერეო პლუსის ახალი ბრენდია. ახალი ბრენდისთვის კი, ბაზარზე გამოჩენამდე, ყველაზე მნიშვნელოვანი იმიჯია – როგორი დიზაინით: ლოგოთი და ფერით წარდგება საზოგადოების წინაშე.
კომპანიის მარკეტინგის მენეჯერი გიორგი გამყრელიძე ამბობს, რომ დიჯიტალ ტვ-ის დიზაინში წითელი ფერი გამოხატავს მიზანს, რაც ბაზარზე დომინანტობას უკავშირდება: „მაქსიმალურად ვეცადეთ, მომხმარებლისთვის, მასზე ორიენტირებული პროდუქტი შეგვეთავაზებინა და ლოგოც, სლოგანიც, ამ მთავარ გზავნილს გამოხატავს. ლოგო ენერგიულობას გამოხატავს, ციფრული ქარია და ჩვენი ახალი თაობის მიმღებიც ამას გულისხმობს: ციფრული მაუწყებლობის მიღება აბონენტს მთელ საქართველოში შეუძლია. სლოგანი, „შენთვის შექმნილი მაუწყებლობა“, გამოხატავს მთავარ შეტყობინებას – იმას, რომ პროდუქტი მომხმარებლისთვის შეიქმნა და მის ინტერესებზეა მორგებული.
რაც შეეხება ჩვენს შეთავაზებას: მაღალრეიტინგული სატელევიზიო არხები კვლევების საფუძველზე შევარჩიეთ. მთავარი უპირატესობა კი არის მარტივი ინსტალაცია, მომხმარებელს თავად შეუძლია რესივერის მონტაჟი; ასევე კომფორტი, პროდუქტის გამოყენებისას: მიმღები შეგიძლიათ წაიღოთ სოფელში, აგარაკზე, სადაც წახვალთ. მაუწყებლობის ჩასართავად არც ინტერნეტია საჭირო და არც სატელიტური თეფში.“
ბრენდის შექმნაზე, გიორგი გამყრელიძესთან ერთად, არტდირექტორმა და დიზაინერმა დავით ჭადაშვილმა იმუშავა.
დიჯიტალ ტვ – #თეფშები აღარ დაგჭირდებათ
მალე საჭმელი აღარ გვექნება თუ მფრინავ თეფშებს უნდა ველოდოთ – არ გამართლდა. სინამდვილეში, საქმე იმაშია, რომ დიჯიტალ ტვ სატელიტური თეფშის გარეშე მაუწყებლობას იწყებს. ქსელში ჩასართავად, არც ინტერნეტია საჭირო“, – აცხადებს დიჯიტალ ტვ-ის წარმომადგენელი.