როგორ ჩავერთო?

დიჯიტალ TV-ს ქსელში ჩასართავად, მხოლოდ მიმღები მოწყობილობა და დეციმეტრული ანტენაა საჭირო. დიჯიტალ TV-ს მიმღები მოწყობილობის შეძენა შესაძლებელია ჩვენს სერვისცენტრში, ელიტ ელექტრონიქსის ქსელში, ტექნიკის სხვა მაღაზიებში ან ჩვენს დილერებთან.

ქსელში ჩართვის ორი შესაძლებლობა არსებობს. ერთ შემთხვევაში, მიმღებ მოწყობილობასა და პირველი თვის, გააქტიურებულ პაკეტს იღებთ 99 ლარად. სააბონენტო გადასახადი, ყოველი თვის დასაწყისში, 12 ლარია. მიმღები თქვენს საკუთრებაში რჩება.

მეორე შემთხვევაში, მიმღებს დროებით სარგებლობაში იღებთ. ადგილზე იხდით მხოლოდ 25 ლარს – ქსელში ჩართვისა (10 ლარი) და საბაზისო პაკეტის (15 ლარი) გადასახადს. სააბონენტო გადასახადი, ყოველი თვის დასაწყისში, 15 ლარია: პაკეტის ღირებულებას, თორმეტ ლარს, მიმღების ქირის საფასური, სამი ლარი ემატება.

აბონენტად რეგისტრირებაში, დიჯიტალ TV-ს სერვისცენტრში, ან დილერებთან, ოპერატორი დაგეხმარებათ. მას დასჭირდება თქვენი სახელი, გვარი, პირადი ნომერი, მისამართი, საკონტაქტო ნომრები და კოდური სიტყვა, რომელიც ცხელ ხაზთან დაკავშირების დროს, ასევე, საბონენტო თანხის გადახდის დროს გამოგადგებათ.

დიჯიტალ TV-ს სერვისი, მიმღები მოწყობილობის შეძენის მომენტში გაგიაქტიურდებათ.

მიმღები მოწყობილობის შეძენის შემდეგ, შეძლებთ, მაუწყებლობა კომპანიის წარმომადგენლის დახმარების გარეშე ჩართოთ. ინსტალაცია მარტივია – მიმღები უნდა მიუერთოთ დეციმეტრულ ანტენას და ტელევიზორს. დისტანციური მართვის პულტით ავტომატური ძიების მენიუ გამოიძახეთ – სკანირებული არხები ავტომატურად შეინახება.

დიჯიტალ TV-ს მომსახურებით, თქვენ რეიტინგულ, მრავალფეროვან უცხოურ და ქართულ არხებს, ხმისა და გამოსახულების გაუმჯობესებული ხარისხით მიიღებთ. მომსახურების გადასახადის გადაუხდელობის შემთხვევაში, ქართული არხები არ გაითიშება, თუ მიმღები თქვენს საკუთრებაშია. თუ მიმღები დროებით სარგებლობაში გაქვთ, სააბონენტო გადასახადის ბოლო გადახდიდან 60 დღის შემდეგ, უცხოურთან ერთად, ქართული არხებიც გაითიშება.

დიჯიტალ TV მონაცემთა შემჭიდროების ახალ, უფრო ეფექტიან H.265/HEVC სტანდარტს იყენებს. არხებს ნებისმიერი ფორმატის ტელევიზორში მიიღებთ. დიჯიტალ TV-ს სიგნალის მისაღებად არც ინტერნეტის ჩართვაა საჭირო და არც სატელიტური თეფშის დამონტაჟება.

ამ ეტაპზე, დიჯიტალ TV-ს სიგნალი  22 სამაუწყებლო პუნქტს მიეწოდება

# არხი სიხშირე
1 თბილისი 28 530
2 კოჯორი 28 530
3 თელავი/ცივი 28 530
4 საგარეჯო 28 530
5 დედოფლისწყარო 47 682
6 ყვარელი 28 530
7 სიღნაღი 47 682
8 დუშეთი 28 530
9 გორი 28 530
10 ხაშური/ბეკამი 28 530
11 ზესტაფონი 41 634
12 ქუთაისი 41 634
13 ჭიათურა 41 634
14 საჩხერე 41 634
15 ჩოხატაური 41 634
16 ბათუმი 36 594
17 ზუგდიდი 36 594
18 ფოთი 40 626
19 ბორჯომი 28 530
20 ახალციხე 41 634
21 ბოლნისი 36 594
22 მარნეული 28 530